Основачи кои ја претвораат стратегијата во резултати
Во срцето на агенцијата стојат две жени со комплементарни експертизи – право, бизнис, медиуми и комуникации. Со заедничка визија да создадат агенција која не нуди само услуги, туку реални решенија и резултати, тие ја градат секоја стратегија врз знаење, искуство и длабоко разбирање на пазарот.
Нивниот пристап е едноставен: стратегија што има смисла · комуникација што допира · резултати што се мерат.
Марија Георгиевска е сопственик и извршен менаџер на Медија Консалтинг. Таа е докажан медиумски професионалец со долгогодишно искуство во медиуми, маркетинг, претприемништво и бизнис. Нејзиниот пристап ги спојува стратегијата и креативноста во јасни и ефективни комуникациски решенија. Нејзината експертиза опфаќа позиционирање на брендови, развој на комуникациски стратегии и градење доверба помеѓу компаниите и нивната публика. Преку нејзиното медиумско презентирање и аналитички пристап, бројни бизниси ја зголемија својата видливост и го подобрија своето влијание на пазарот. Таа е добитник на повеќе признанија за својата професионална работа, кои го потврдуваат квалитетот зад секој реализиран проект. Со својата единствена експертиза, која ги поврзува бизнис секторот, медиумите и општествената одговорност, таа се позиционира како еден од препознатливите и докажани професионалци во областа на комуникациите и медиумите.
Пенка Мукаетова е сопственик на Медија Консалтинг и искусен бизнис консултант со долгогодишно искуство во областа на деловниот развој, корпоративното работење и стратешкото советување. Преку активно учество во бројни домашни и меѓународни проекти, посветено работи на унапредување на бизнис климата, развој на претприемништвото и поддршка на компаниите во процесот на раст и позиционирање на пазарот. Како консултант, активно учествува во креирање политики и иницијативи за развој на претприемништвото и деловната заедница, со посебен фокус на економскиот развој, поддршката на малите и средни компании и јакнењето на женското претприемништво. Добитник е на повеќе домашни и меѓународни признанија и награди за придонес во бизнисот, претприемништвото и менаџментот, како и за афирмација на женското лидерство. Препознатлива е како посветен професионалец, предавач и бизнис ментор.
